feature

sang Agkaykaysa Scholar mula sa bayan ng Lal-lo Cagayan ang nagpapasalamat ngayon sa Purok Agkaykaysa Scholarship Program ng Pamahalaang Panlalawigan ng Cagayan na inumpisahan sa ilalim ng administrasyon ni Gob. Manuel Mamba noong siya ay maupo bilang ama ng lalawigan noon pang taong 2016.

Sa kanyang mensahe, ipinagpapasalamat Reylyn Bulusan Battad ang oportunidad na naibigay sa kanya upang mapabilang sa mga Agkaykaysa Purok Scholars para matustusan ang kanyang pangangailangan sa kolehiyo.

“Ang financial assistance na inyong ipinagkaloob ay malaking tulong sa apat na taon ko sa kolehiyo.” Pagbabahagi ng dalaga.

Aniya, dahil sa programang ito, hindi lamang siya nakapag tapos ng Bachelor of Science in Custom Administration kundi’y pumasa rin ito sa 2023 Custom Broker Licensure Examination.

Dagdag pa ni Bulusan, nawa’y magpatuloy ang programang naumpisahan ng Kapitolyo ng Cagayan upang makatulong pa sa maraming kabataang nais makapagtapos ng kanilang pag aaral.

“Maraming salamat Gov, sana maipagpatuloy ang programang ito para makatulong sa mga katulad ko ring naghahangad noong makapagtapos. DA BEST KA GOV!” pagpapasalamat ng dalaga.

Ang Purok Agkaykaysa Scholarship Program ng Kapitolyo ay bukas sa lahat ng mag aaral sa lalawigan na higit na nangangailangan ng pangtustos sa kanilang matrikula.

Kada purok sa Cagayan ay may tig-dalawang scholars na tumatanggap ng tulong pinansyal sa Kapitolyo kada taon.

“Isang karangalang maging Itawit, Tuaoeño, Cagayano, at Pilipino”

Ito ang palaging sambit at bitbit ng I-Sing-World 2023 Grand Champion Vocal Duet na si Joseph Magalad Billeza sa bawat kompetisyon na kanyang sinasalihan sa national man o international stage.

Nito lamang nakaraang buwan ng Nobyembre lumipad si Billeza sa Kuala Lumpur, Malaysia para sumabak sa I-Sing-World Finals 2023 kung saan siya ang nagsilbing kinatawan ng bansa para sa prestihiyosong patimpalak at dito nakasama ni Billeza ang mahigit 300 na kalahok mula sa 25 bansa sa buong mundo.

Sa isang linggong kompetisyon, pumasok sa grand finals si Billeza para sa Vocal Solo Category kung saan inawit niya ang mga pyesang ‘The Prayer’, ‘Kastilyong Buhangin (Native Language)’, at ‘The Impossible Dream’.

Samantala, inuwi naman ni Billeza ang kampeonato sa Vocal Duet Category kasama ang 10-year old Celebrity kid mula sa Bulgaria na si Paola Yordanova at inawit ang mga awiting ‘Never Enough’ at ‘Beauty and the Beast’.

Plano ngayon ni Billeza na ipagpatuloy ang nasimulang karera sa larangan ng pag-awit dahil di lamang ito ang unang pagkakataon na nag-uwi siya ng karangalan para sa bansa. Dati na ring nag-uwi ng medalyang bronze at silver medals si Billeza taong 2018 matapos pumasok bilang finalist sa World Championships of Performing Arts sa USA.

Sa ngayon, nakalinya na rin ang mga konsyerto at theater shows na sasalihan at pagbibidahan ni Billeza kasama ang mga premyadong aktor sa bansa.

Si Billeza ay isang “proud itawit” mula sa Brgy. Alabug, Tuao West, Cagayan.

Inuwi ng isang grade-10 student na si Jesu Manzano ang tatlong gold at tatlong silver medals mula sa ginanap na World Scholar’s Cup Tournament of Champions noong buwan ng Nobyembre sa Connecticut, USA.

Si Manzano ay kabilang sa apat na estudyante ng Ateneo de Manila University na nagsilbing representante ng bansa sa nasabing prestihiyosong kompetisyon abroad.

Liban sa mga medalya, si Manzano ay Top 162 Champion Scholar mula sa 2,000 estudyanteng sumali mula sa 70 bansa sa buong mundo.

Ang mga magulang ni Manzano ay kapwa tubong Cagayan na sina Engr. Wreylord Manzano mula sa San Juan, Pamplona habang ang ina naman nito na si Dr. Maureen Ines Manzano ay isang tubong Sanchez Mira, Cagayan.

Ang World Scholar’s Cup Tournament of Champions ay isang academic competition na sinasalihan ng iba’t ibang estudyante mula sa iba’t ibang bansa kung saan sinusukat ang kanilang galing sa Science-Technology, History, Literature, Music & Arts and Society.

Pumuwesto bilang third place globally ang tatlong estudyante ng Tuguegarao City Science High School (TCSHS) Robotics team sa MakeX Robotics World Championship na ginanap nitong Disyembre-08 hanggang Disyembre 11, 2023 sa Yantai, China.

Kabilang ang Robotics Team ng TCSHS sa libo-libong kopunan na sumali sa nasabing kompetisyon na nagmula sa 30 bansa sa buong mundo.

Kinilala ang mga talentadong estudyante na sina Ezekiel Delos Santos, Aaron Malabad, at Tyrone Gabrielle Pangilinan kasama ang kanilang coach na si Ronevir Dulin.

Nakuha rin ng grupo ang Best Cultural Award sa MakeX Robotics World Championship Competition.

Kabilang ang TCSHS sa benepisyaryo ng ACCELERATES o Advancing Classroom-Based Collaboration and Enhancing Laboratory Equipment through the Provision of Robotics and Technological Equipment to Science-Oriented Students ng Department of Science and Technology (DOST) Region 02.